Lumma, lumma, lumm.

Fjöldi óska hefur borist um að birta norsku lummuuppskriftina í stað þess að lúra á henni eins og gulli.

Erfitt hefur reynst að finna almennilega lummuuppskrift og það þrátt fyrir leit á helstu leitarvélum.

Þessi uppskrift barst til landsins með Eidefólkinu en er endurbætt af ömmu minni.

Þar sem Árni er ennþá sofandi og ég kann ekkert á Excel verður þetta sett upp í WORD.

Lummur.

1/2 kg. Hveiti

2 tsk. Lyftiduft

1/2 tsk. Hjartarsalt

100 g sykur

3/4-1 L mjólk

1 egg

Tólg eða pönnufeiti. ( hér gefur höfundur leyfi til að taka mið af nútímanum og nota ólífuolíu.)

Hjartarsaltinu, lyftiduftinu og sykrinum blandað saman við hveitið.  Vætt í með mjólkinni, egginu bætt úti og hrært vel.  Látið með skeið á heita fituga pönnu og bakað þar til gyllt.

Við borðum þetta svo með sykri eða smjöri og sírópi.

Athugasemdir

[Kristín Bjarnadóttir, 23.12.2008 kl. 14:15]

Gleymdi að benda á að nauðsynlegt er að nota vel af olíu til að þær verði krönsí og geggjaðar

best að skella í lummur:)

[Dagmar Guðmundsdóttir (IP-tala skráð) 23.12.2008 kl. 18:14]

umm hljómar vel, verð að testa þetta fljótt.  Gleðileg jól til ykkar allra

Dagmar

[Sigrún Jónsdóttir (IP-tala skráð) 23.12.2008 kl. 18:29]

Kvöldið!

Ég er svo mikil lumma að ég baka ekkert nema vandræði!! Stórt jólaknús til þín Didda mín og þinna!

Jólakveðjur

Sigrún sem er hin Diddan

[Kristín Bjarnadóttir, 24.12.2008 kl. 02:34]

Risajólaknús tilbaka mínar kæru!