Persónuleikaruglingur?

Árni hefur verið óskipulagði aðilinn í sambandinu.  Hlutirnir oftast bara gerðir eftir hendinni.  Oft með tilheyrandi pirringi frú fullkomnunaráráttu.

Ekki lengur.  Ég fékk eftirfarandi innkaupalista afhentan í dag.  

 

	Jólainnkaup 2008
	Niðursuðuvörur
	Maís	4	Dósir
	Rauðkál	2	Dósir
	Grænar baunir	3	Dósir
	Grænmetiskælir
	Kartöflur	4	kg
	Laukur	6	stk
	Sellerí	1	stk
	Epli rauð	6	stk
	Vínber græn	1	poki
	Egg	1	pakki
	Mjólkurkælir
	Rjómi	2	Lítrar
	Sýrður rjómi	4	stk
	Skinka	1	pakki
	Mjólk	4	Fernur
	Gos og nammi
	Coke Zero	24	Lítrar
	Appelsín	8	Lítrar
	Malt	9	Lítrar
	Nammi
	Snakk
	Bökunarvörur
	Piparkorn svört	1	stk
	Rifsberjahlaup	1	krukka
	Pönnukökusíróp	2	flöskur
	Saxaðar möndlur	200	gr
	Möndlur	1	poki
	Suðusúkkulaði	1	pakki
	Annað
	Cocoa puffs	2	kassar
	Ís	2	Lítrar
	Íssósa	1	stk
	Örbylgjupopp	2	kassar
	Instant Pasta	4	stk
	Kirsuberjasósa
	Rauðvín
	Möndlugjöf

 Hef aldrei á ævi minni séð jafnfullkominn innkaupalista.

Ekki aðeins er hann settur upp í Excel, heldur vörum raðað eftir flokkum og staðsetningu í búð.  Einnig er tekið fram í hvaða formi varan á að vera svo maður kaupi nú ekki óvart suðusúkkulaði í flösku eða egg í poka.

Er það þetta sem gerist þegar fólk er búið að vera saman of lengi?  Blandast persónuleikar fólks?  Með skelfilegum afleiðingum?

En hvað segir það um mig að mig dauðlangar að benda honum á að það sé venjulega settur punktur á eftir skammstöfunum?

Við verðum að fara að finna okkur eitthvað að gera!    

 

Athugasemdir

[Hrund Traustadóttir, 22.12.2008 kl. 14:40]

Ég held að þetta sé alveg glimrandi vitnisburður um það að hann Árni Björgvin verður að fara að finna sér eitthvað að gera

Það að þú finnir þörf til að punkta á eftir skammstöfunum kemur aftur á móti ekkert á óvart, þú myndir örugglega finna þessa þörf þó þú værir í fullri (launaðri) vinnu

En rosalega flottur innkaupalisti.

[Sigrún Jónsdóttir (IP-tala skráð) 22.12.2008 kl. 20:09]

Kvöldið!

Ég held að á þessu stigi málsins þá  er þetta spurning um að þið vitið ekki almennilega hvar annað byrjar og hvar hitt endar og það er gott mál!

Jólaknús

Sigrún

[Helga Sigríður Úlfarsdóttir, 22.12.2008 kl. 23:45]

Má þá "frú fínpússari" benda ykkur hjónum á að grömm eru skammstöfuð g og ekki er settur punktur  gr. er sem sagt "out"  

[Kristín Bjarnadóttir, 23.12.2008 kl. 01:19]

Þættinum var að berast fyrirspurn "hvað geriði með svona mikið pönnukökusíróp?" tilvitnun lýkur.

já það er nú þannig að hér ólst húsmóðirin upp við lummur og ekki hvaða lummur sem er heldur lummur að hætti norðmanna.  En eins og flestir vita er húsmóðirin norsk að einhverju leyti.

Betri helmingurinn hafði svo alist upp við ameríska lágmenningu en jafnvel þótt lummur hafi borist til ameríku með vesturförunum þá vilja bandaríkjamenn auðvitað eigna sér allt og segjast því hafa fundið upp pönnukökurnar sem þeir kalla svo því lummunafnið var of lame.

Í upphafi sambands voru því góð ráð dýr.  Hvort átti að baka lummur eða amerískar pönnukökur?  Niðurstaðan varð sú að eitthvað er bakað á pönnu og sumir borða lummur hvítar af sykri en aðrir borða amerískar pönnukökur-jú rétt með sírópi.

Því miður þá eru amerísku áhrifin meiri en þau norsku og börnin öll með tölu velja því að borða amerískar pönnukökur löðrandi í sírópi.

Húsmóðurinni finnst þetta þvílík vitleysa og móðgun við norska forfeður sína og vesturfarana og skal því sykra sínar amerísk.....lummur á meðan hún lifir.

En ekki sátt við magnið?  Lummur eru bakaðar nánast tvisvar í viku þar sem þetta fyllir magann fyrir lítill pening og allir eru hæstánægðir.  Blessuð næringarsjónarmiðin verða að bíða betri tíma.

[Kristín Bjarnadóttir, 23.12.2008 kl. 01:27]

ánægð með útskýringuna þína Sigrún, alveg sátt við það ef þetta er útskýringin því mér var hætt að standa á sama í dag.

Helga ég varð bæði glöð og að sjá athugasemdina þína.  Glöð yfir að vita nú betur en hrædd um að hafa misst af alls konar svona breytingum og skrifa nánast handónýta íslensku!  A.m.k (að minnsta kosti-á þetta að vera-var skammstafað svona í stafsetningarorðabókinni 1980) ef þú lumar á fleiri svona ábendingum eru þær vel þegnar!

[Fríða Dóra Steindórsdóttir (IP-tala skráð) 23.12.2008 kl. 08:38]

Hæ Kristín.

Hulda vinkona þín var að tala um skemmtilega bloggið þitt. Þannig að nú er ég dyggur lesandi. Þú ert mjög góður penni.

Ég verð að viðurkenna að ég hef heldur aldrei séð svona flottan innkaupalista. Yfirleitt er þetta hripað niður á umslag frá reiknistofu bankanna.

Gleðileg jól og sjáumst í fluginu þegar þú kemur aftur.

Kv, Fríða Dóra

[Björg Guðmundsdóttir (IP-tala skráð) 23.12.2008 kl. 10:59]

Já ég verð að viðurkenna að ég er orðinn dyggur lesandi hjá þér líka, enda frábær penni og heilög og sönn vísindi sem þú fjallar um  , eins og talað úr mínu hjarta!

Gleðilega hátíð og plís haltu áfram að blogga, algjör snilld!

kv Björg

[Hulda (IP-tala skráð) 23.12.2008 kl. 11:17]

Þetta er allra flottasti innkaupalisti sem ég hef séð.  Frú fullkomnunarárátta hlýtur að vera sátt.  Uppeldið á Árna er loksins farið að skila árangri :-)

 Bestu kveðjur og knús frá vesturbæ Kópavogs.

[Ásta (IP-tala skráð) 23.12.2008 kl. 15:44]

Ég er ekki frá því að hafa fengið netta fullnægjingu við að sjá innkaupalistann enda oft kölluð Ms. Monica eftir vinkonu minni og "Vini" og líður alltaf best ef allt er í röð og reglu .....en ekki einu sinni ég set minn upp í excel, læt duga að setja hann upp eftir skipulagi viðkomandi búðar.

Alltaf jafn gaman að lesa bloggið þitt Didda, algjör eðalpenni og hafiði þið fjölskyldan það sem allra best um jólin

Kv. Ásta

[Kristín Bjarnadóttir, 24.12.2008 kl. 02:33]

Kæru Fríða Dóra og Björg gaman að fá ykkur í heimsókn og takk fyrir hlý orð í minn garð!

Hulda, ég er búin að reyna að forðast að horfast í augu við hið augljósa, ég hef loks náð með óyggjandi hætti að brjóta Árna endanlega niður og stýri honum að vild.  Skil núna hvers vegna konur tala um að þær nenni ekki að byrja upp á nýtt að ala mennina sína upp.

Ásta gott að hitta aðra Moniku!  Verð nú að viðurkenna samt að ég er komin langa leið í ruglinu frá því þegar ég sorteraði tuskurnar eftir lit!

Gleðileg jól allar saman og takk fyrir að líta við og lesa!

[Helena (IP-tala skráð) 27.12.2008 kl. 18:07]

Leita ykkur að einhverju að gera segir þú. Í fyrsta lagi hlýtur það að vera nánast full vinna að setja svona lista upp og í öðru lagi eru þið komin með buisness - Árni tekur að sér að raða saman í exel innkaupalistum sem hripaðir hafa verið á umslög. Þú setur inn . á viðeigandi stöðum. Styttir tímann í búðinni um helming og minni líkur á að þú verslir óþarfa. Þar með er Árni búinn að spara fólki (hér var ég næstum búin að skrifa konum) bæði tíma og peninga. Kannski getur hann búið til e-ð flott forrit til að vinna eftir þegar þú þarft að setja saman innkaupalista... 

Kv. Helena.

[Kristín Bjarnadóttir, 27.12.2008 kl. 22:10]

Já Helena gott ef þú hittir ekki naglann á höfuðið þarna.  Og það er greinilega markaður fyrir svona lista.

Fór í Hagkaup á aðfangadag og það var svolítið skrítið að sjá annan hvern mann með listann hans Árna útprentaðan héðan af blogginu!

[Jóna Kolbrún Garðarsdóttir, 2.1.2009 kl. 03:52]

Hefur þú prófað að setja rækjusalat á lummurnar/pönnukökurnar.  Það er ótrúlega gott

[Kristín Bjarnadóttir, 3.1.2009 kl. 00:48]

Við prófum þetta við næsta bakstur, takk kærlega fyrir hugmyndina

bestu kveðjur og gleðilegt ár!