Geta tölvur frosið en ekki fryst?

Sá í fréttum í síðustu viku að farið væri fram á við lífeyrissjóðina að þeir tæku vel í óskir um lánafrystingar og hringdi því í V.R.

 

Þar er sjálfsagt að skoða frystingu á láninu mínu í allt að ári en greiða þarf áfram vexti og verðbætur á vexti.

 

Það þýðir að ég greiði áfram 2/3 lánsins sem gerir akkúrat ekkert fyrir mig.

 

Eins þarf lánið að vera í skilum ef skoða á frystingu.  Spurði hvað það nákvæmlega þýddi.  Hvort nóg væri að missa úr einn gjalddaga til að ekkert yrði gert fyrir mig.

 

Erfitt er að bakfæra útgefinn gjalddaga en þó mögulegt.  Ef komið er fram yfir gjalddaga byrja eðlilega dráttarvextir og kostnaður að telja og þá er ekkert hægt að gera.

 

Tölvan leyfir það ekki.

 

Engu skipti hvort maður hafi ávallt staðið í skilum og ekkert tillit er tekið til aðstæðna.  Gjalddaginn er ógreiddur og lánið því ekki í skilum.  Punktur.

 

Fólk verður að fatta að það er að lenda í vandræðum.  Hafa samband fyrir gjalddaga.

 

Eftir það er ekkert hægt að gera.

 

Hvað með fólk sem skyndilega fær ekki launin sín?  Skilar inn vinnu fyrir mánuðinn en fyrirtækið getur svo ekki greitt út laun.  Þetta fólk missir úr gjalddaga, fyrirvaralaust.

 

Ekkert hægt að gera fyrir það.

 

Tölvan getur ekki fryst lán eftir gjalddaga.

 

Athugasemdir

[Hulda Valsdóttir (IP-tala skráð) 11.11.2008 kl. 22:07]

Tölvan leyfir það ekki eða "Computer says no"  Er það ekki frasi úr "Little Britain"  !  Það á vel við í dag, ástandið á Íslandi er eins og í gamanþætti.  Það sem skilur á milli er að Little Britain er húmor, það sama verður ekki sagt um sápuóperu Íslands.

http://www.youtube.com/watch?v=WOdjCb4LwQY

Vil þó taka það sérstaklega fram að þú minnir mig bara ekkert á viðskiptavininn í þessari mynd en viðmótið hjá Lífeyrissjóðnum hefur verið á þessa leið, geri ég ráð fyrir

[Hulda Signý Gylfadóttir (IP-tala skráð) 11.11.2008 kl. 22:57]

Finnst ansi hart þegar ástandið er eins og núna að einhverjir dagar fram yfir gjalddaga í eitt einasta skipti teljist vanskil!! En ég er líka alveg búin að sjá það að ég skil hvort eð er ekkert sem er að gerast í þessu þjóðfélagi svo.....