Klippt

Fór síðast í klippingu í júní.

Árni hefur síðan þá tekið að sér að breyta gráum hárum í ljós með lit úr apótekinu.

Þó nokkrar útlitskröfur eru gerðar í vinnunni og fór ég því í morgun á hárgreiðslustofuna Salahár þar sem klipping kostar aðeins 4000 krónur.

Var nýkomin heim þegar krakkarnir koma úr skólanum.

Bjarni (8) gengur inn, sér mig og segir vvvvváááááá hvað þú ert flott!

Og Bryndís (9) bætir við þú ert eins flott og þú varst einu sinni!

Þá spyr Bjarni var ég lifandi þá?

Athugasemdir

[Katrín Brynja (IP-tala skráð) 30.3.2009 kl. 21:40]

Þetta olli frussi.

AFTUR!

Hlakka til að sjá dúið :)

[Ásta (IP-tala skráð) 31.3.2009 kl. 09:04]

Komin aftur í heimsókn eftir laaaaangt hlé og það er ekki að spyrja að þ´vi, munnvikin lyftast alltaf upp.

Verst að hitta ekkert á þig í sumar. Hafðu það gott.

Kv. Ásta

[Inga Rós (IP-tala skráð) 31.3.2009 kl. 09:12]

BROS

[María Björg (IP-tala skráð) 31.3.2009 kl. 13:48]

Ji minn eini hvað ég hlæ mikið núna. Þetta eru snillingar sem þú átt ;)

[Kristín Bjarnadóttir, 31.3.2009 kl. 23:00]

Katrín, mundu bara að það er einmitt ágætisregla að borða ekki við tölvuna, vona að þú hafir ekki frussað með fullan munninn af ópali eins og um daginn, hvernig gekk annars að ná því af?

Ásta, það hefði verið frábært að hitta þig í sumar!  vona að meðgangan gangi súpervel og þú njótir hennar í botn.

Inga Rós, gaman að þú hlæjir með okkur!

María, gott að þú tekur þessu vel, ekki allir sem myndu vilja vera skyldir svona skrítnu fólki

En hvað þau geta fengið mig til að hlæja-og mest þegar maður má ekki hlæja upphátt AÐ þeim!

bestu kveðjur, Didda

[Kristín Bjarnadóttir, 31.3.2009 kl. 23:04]

guð minn góður!  Kann einhver að eyða út athugasemdum?

Síðan hvenær er hlæjir sögn í íslensku?  Fyrirgefðu Inga Rós, það er gaman að þú hlærð með okkur!!!!!

best að reyna að leyna því sem lengst að ég er í íslenskuvali í skólanum...........

[Frida Dora Steindorsdottir (IP-tala skráð) 1.4.2009 kl. 21:32]

Ég brjálast..... algjör snilld.

Hlakka til að sjá þig í vinnunni

[Inga Rós (IP-tala skráð) 2.4.2009 kl. 10:46]

Elsku Kristín mín,

Blessuð góða ég tók ekki eftir þessu...

Eigðu góðan dag í dag

[Magga (IP-tala skráð) 2.4.2009 kl. 15:20]

Sæl Kristín

gaman að lesa bloggið þitt, þekki þig reyndar ekki neitt, en kannast við krakkana þína úr skólanum.....

ef þú vilt get ég sent þér símanúmer hjá stelpu sem ég fer til í lit+klipp fyrir 5000, mjög kreppuvænt og hún er mjög góð, er að læra hárgreiðslu

[Kristín Bjarnadóttir, 2.4.2009 kl. 19:30]

Hlakka til að sjá þig sömuleiðis Fríða Dóra mín!

Takk sömuleiðis Inga Rós!

Kæra Magga, ég þigg það með þökkum í  [e-mail] takk kærlega fyrir að hugsa til mín með þetta.

[Helena Leifsdóttir, 3.4.2009 kl. 15:06]

Kæra besta Kristín.
Núna er mín létt á fæti, ég finn gleði vorboðans í þessari færslu.

Ég ætla að gefa þér fallega kveðju ú Bókinni okkar.

Kraftur og tingn er klæðnaður hennar og hún hlær að komandi degi.
Hún opnar munninn með speki og ástúðleg fræðsla er á tungu hennar.
Hún vakir yfir því sem fram fer á heimili hennar og etur ekki letinnar brauð.
orðskviðir 31:25

Vertu Guði falin og allt þitt hús.
Knús Helena.

[Hulda (IP-tala skráð) 3.4.2009 kl. 15:54]

Þú ert alltaf flottust :-)

[Harpa Hjartar (IP-tala skráð) 7.4.2009 kl. 22:22]

hahahahaha, þessi börn eru snillar! Mín 5 ára sagði einmitt um daginn: "mamma, ég man ekki lengur hvernig þú varst þegar þú varst mjó, manst þú það??" ahahaha ég er nú bara búin að vera ólétt í rúma 8 mánuði, þarna sérðu hvað þau muna langt aftur :)

Knús, Harpa.

[Hrund Traustadóttir, 10.4.2009 kl. 11:21]

Hey hey - það var ekki í júní sem ég klippti á þér hárið var það???

[Kristín Bjarnadóttir, 11.4.2009 kl. 22:45]

Nei Hrund það var reyndar einmitt ekki í júní, en þótt þú hafir staðið þig vel og fagmannlega, þá kunni ég ekki við að minnast á það á veraldarvefnum að þú tækir að þér klippingar réttindalaus og án þess að fá greitt fyrir.