Grundvallaratriði í uppsetningu jólasería

Frá því búskapur hófst hefur það verið á könnu húsmóðurinnar að setja upp inniseríurnar fyrir jólin.

Árni tók að sér verkefnið í ár og hefur á þeim tveimur vikum sem verkefnið hefur staðið yfir, komið upp tveimur slíkum.

Enda verkefnið vandasamt og margt sem ber að varast.

Engar líkur eru á að Árni sé eini fullorðni karlmaðurinn í þessum sporum og því tel ég rétt að fara yfir nokkur atriði sem vert er að hafa í huga við uppsetningu innisería.

1)      Ávallt skal athuga hvort kviknar á seríu áður en hún er fest í gluggann.  Mjög mikilvægt er að það logi á gluggaseríum og skiptir þá engu hversu vel gegnið er frá henni í glugganum.

2)      Gæta skal samræmis milli ummáls glugga og lengdar seríu.  Of löng eða of stutt sería uppfyllir ekki fagurfræðilegar kröfur og þarf að taka niður aftur.  Þrátt fyrir að skilyrði 1 hafi verið fullnægt.

3)      Ávallt skal gæta þess að fjarlægja brothætta hluti með tilfinningalegt gildi úr gluggakistu þess glugga sem festa skal inniseríu í.

4)      Hafi skilyrði 3 ekki verið uppfyllt og hlutir með tilfinningalegt gildi beðið tjón, skal aldrei undir nokkrum kringumstæðum fela brotin í bökunarskápnum-í mesta bökunarmánuði ársins. 

Athugasemdir

[Maja og co. (IP-tala skráð) 13.12.2008 kl. 22:08]

Snilld..... held ég hleypi Jóa samt ekki í gluggna.... þrátt fyrir þessar góðu leiðbeiningar

[Sigrún Jónsdóttir (IP-tala skráð) 14.12.2008 kl. 11:59]

Didda mín!

Steinunn RAgnars er alveg viss um að það sé til REglugerðarráðuneyti og ég legg til að þú hafir samband við forsvarsmenn þess og ,,seljir" starfskrafta þína! Þeir halda að þeir séu í góðum málum en boy o boy þeir hafa ekki hitt þig!!

Knús

Hin Diddan 

[Katrín (IP-tala skráð) 20.12.2008 kl. 20:58]

ahahahahahahahahahahahaha

ahahahahahahahahahahahahahaha